شېئىر: قاغا بولۇپ قالمىغىن سەنمۇ

قاغا بولۇپ قالمىغىن سەنمۇ


شىرئەلى مۇھەممەتئىمىن قارائوت



كۈنلەر غېرىب، تۈنلەرمۇ غېرىپ،

يۈرىكىمنى كېتىپسەن ئېلىپ.

ئادەتتىكى ئىشقۇ سەن ئۈچۈن،

ئۆلىۋالسۇن بىرسى ئېسىلىپ.



قۇشقا ئوخشاش سەكرەش خۇيۇڭ بار،

سەكرىشىڭگە دۇنيا كېلەر تار.

بەخىت گۇيا مەڭگۈ سېنىڭدەك،

سۆيگۈ بەرسە ھەسرىتىڭ يانار.



قاغىمايمەن ۋە لېكىن سېنى،

قاقىلدارغا قاغا ئەمەسمەن.

قاغا بولۇپ قالمىغىن سەنمۇ،

خەلق دېگەن ئۇستا بىر مەرگەن.